काठमाडौं । प्रथम झापा १ - काठमाडौं कप फुटसल प्रतियोगिता २०८१ संचालन हुने भएको छ । डिएभी स्कुल जावलाखेल, ललितपुरमा हुने प्रतियोगितामा ३० बर्ष मुनिका खेलाडी रहने छन् ।
उक्त फुटसल प्रतियोगितामा ७ वटा टिम समावेश हुने भएका छन । १२ गते शनिवार संचालन हुने उक्त फुटसल प्रतियोगितामा झापा क्षेत्र नं.१ का ७ वटा टिमबीच प्रतिस्पर्धा हुने भएको छ । जसमा क्षेत्र नं.१ का साविकका गाविस शान्तिनगर, बाहुन्डाँगी, धाइजन, मेचिनगर, ज्यामिरगढी, दुहागडी र चन्द्रगडीबीच प्रतिस्पर्धा हुने भएको छ ।
प्रतियोगितामा विजेता हुने टीमले २१ हजार नगदसहित ट्रफी र सम्मानपत्र पाउने छन भने दोश्रो हुने टीमले ११ हजार नगदसहित ट्रफि र सम्मानपत्र पाउने आयोजक संस्था झापा १ - काठमाडौं सम्पर्क समितिका प्रमुख प्रज्वल कोइरालाले जानकारी दिए ।
उक्त अवसरमा झापाका राजनैतिक दलका नेता भर्सेस झापाका कलाकारवीच रोमान्चक मैत्रीपूर्ण खेल हुनेछ । सो खेलमा राप्रपा अध्यक्ष राजेन्द्र लिङंदेन, काँग्रेस महामन्त्री विश्वप्रकाश शर्मा, एमाले नेता अग्नि खरेल, एलपी साँवासहितका नेताहरु खेल्ने छन भने कलाकारका तर्फबाट सीताराम कट्टेल, प्रमोद खरेल, एलिना चौहान, विलसन विक्रम राई, टीका भण्डारीलगायत भिड्दै गर्ने छन् । साथै, पेशा व्यवसायी भर्सेस कर्मचारी, झापा क्षेत्र नं.१ क र ख का महिला टीमबीच मैत्रीपूर्ण खेलसमेत हुने भएको छ ।
