काठमाडाैं, १४ साउन – फिल्म छक्का पञ्जा ३ को पहिलो गीत पहिलो नम्वरमा सार्वजनिक भएको छ । फिल्म युनिटले उक्त गीत सामाजिक सञ्जाल युट्युबबाट सार्वजनिक गरेका हुन् ।
गीतमा कविराज गहतराजको कोरियोग्राफी, दीपक शर्माको संगीत, राजेन्द्र थापाको शब्द, र डेभिड शंकर र विन्दु परियारको स्वर रहेको छ । दशैँमा रिलिज हुने फिल्मको उक्त गीतमा दिपकराज गिरी, दीपिका प्रसाईं, दिपाश्री निरौला, प्रियंका कार्की, जितु नेपाल, केदार घिमिरे, बर्षा राउत, बुद्दि तामांग, स्वस्तिमा खड्का, सुमन गिरी भान्जा र संजोग कोइरालाले कम्मर मर्काएका छन् ।
फिल्ममा दिपाश्री निरौलाको निर्देशन, दिपराज गिरीको कथा, दीपकराज गिरी, जितु नेपाल, केदार घिमिरे र यमक श्रेष्ठको संवाद, कविराज गहतराज र प्रविण सिंहको कोरियोग्राफी, रोशन श्रेष्ठको द्वन्द, र पुरुषोत्तम प्रधानको छायांकन रहेको छ ।
फिल्ममा निर्माताका रुपमा सुमन गिरी भन्जा, किरण केसी, शिवहरी पौडेल, पुरुषोतम प्रधान, तारा चन्द्र बजगाई, दिपेन्द्र खनिया र केशव न्यौपाने रहेका छन् भने यस्तै कार्यकारी निर्मातामा जितु नेपाल र केदार घिमिरे रहेका छन् ।
फिल्ममा दिपकराज गिरी, जितु नेपाल, केदार घिमिरे, बुद्धि तामाङ, निर शाह, किरण केसी, शिवहरी पौडेल, जयनन्द लामा, अनुराग कुवर, शिशिर राणा, शिशिर बाग्देल, शारदा गिरी, प्रियंका कार्की, दिपीका प्रसाँइ, पुष्प खड्का लगायतका कलाकारहरुको अभिनय रहने छ ।
-1732432821.JPG)
